ಲೋಕಾಯತಕ್ಕೆ ಸ್ವಾಗತ

ಆರ್ಥಿಕತೆಗೆ ಪ್ರಶ್ನೆಗಳು ತೀರಾ ಮುಖ್ಯವಾದ ಪ್ರಶ್ನೆಗಳು. ಇವುಗಳನ್ನು ಪರಿಹರಿಸುವ ಕೆಲಸವನ್ನು ಕೆಲವು ಅರ್ಥಶಾಸ್ತ್ರಜ್ಞರಿಗೆ ಹಾಗೂ ಪರಿಣತರಿಗೆ ಬಿಡುವುದು ಸರಿಯಲ್ಲ. ಇದರ ವಿಶ್ಲೇಷಣೆಯಲ್ಲಿ ಇತಿಹಾಸಜ್ಞರು, ಸಮಾಜಶಾಸ್ತ್ರಜ್ಞರು, ರಾಜಕೀಯ ವಿಜ್ಞಾನಿಗಳು, ಮಾನವಶಾಸ್ತ್ರಜ್ಞರು ಇತ್ಯಾದಿ ಸಮಾಜ ವಿಜ್ಞಾನಿಗಳು ತೊಡಗಿಕೊಳ್ಳಬೇಕು. ಅಷ್ಟೇ ಅಲ್ಲ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ ಪ್ರಕ್ರಿಯೆಯಲ್ಲಿ ಜನರು ಪಾಲ್ಗೊಳ್ಳಬೇಕು. ಆರ್ಥಿಕ ಹಾಗೂ ಚಾರಿತ್ರಿಕ ಜ್ಞಾನ ಪ್ರಜಾಸತ್ತಾತ್ಮಕಗೊಳ್ಳಬೇಕು. ಅಂತಹ ಮಾಹಿತಿಗಳು ಹಾಗೂ ಪುರಾವೆಗಳು ಇಡೀ ಸಮಾಜವನ್ನು ಪ್ರಜಾಸತ್ತಾತ್ಮಕಗೊಳಿಸುವ, ಅಧಿಕಾರದ ಸಮಾನ ಹಂಚಿಕೆಗಾಗಿ ನಡೆಯುವ ಹೋರಾಟದ ಭಾಗವಾಗಬೇಕು.